تعلیمی خبریں
NEET-SS 2026:سپر اسپیشلٹی داخلہ امتحان 11 اور 12 دسمبر کو ہوگا
نئی دہلی: نیشنل بورڈ آف ایگزامینیشنز اِن میڈیکل سائنسز (NBEMS) نے NEET-SS 2026 (نیشنل ایلیجبلٹی کم انٹرنس ٹیسٹ – سپر اسپیشلٹی) کے امتحان کی تاریخوں کا اعلان کر دیا ہے۔ جاری کردہ نوٹس کے مطابق یہ امتحان 11 اور 12 دسمبر 2026 کو منعقد ہوگا۔
بورڈ کے مطابق امتحان ملک بھر کے مختلف مراکز پر کمپیوٹر بیسڈ ٹیسٹ (CBT) کے ذریعے لیا جائے گا۔
امتحان میں شرکت کے خواہش مند امیدوار 29 اکتوبر 2026 سے آن لائن درخواست فارم جمع کرا سکتے ہیں۔ درخواست جمع کرانے کی آخری تاریخ 18 نومبر 2026 رات 11 بج کر 55 منٹ مقرر کی گئی ہے۔
امیدوار امتحان کی اہلیت، فیس، نصاب اور دیگر ضروری معلومات کے لیے نیشنل بورڈ آف ایگزامینیشنز کی سرکاری ویب سائٹ https://natboard.edu.in پر جاری کردہ انفارمیشن بلیٹن ملاحظہ کر سکتے ہیں۔